Tradisi yang teracuni

saye perantau, citaannye pulang kampung sebab sudah libur kuliah sekalian ingin nak puase dirumah jak keluarge.

awalnye saye telen2 an tradisi yg karangini lebih banyak "nganggu orang" tu ketimbang merii manfaat, lame2 dak tahan gaan.

lame saye bangge le jak tradisi yg satu ni. orang2 di kampung nyebut "ngotek".. tradisi ni cuma ade pas puase an, sebab die yg mangunken orang2 nyoro mesaur, manfaatnye jangan dah ditanye'i.

amper tiap taun, trune truni ngade'i lomba ngotek biar dak ilang tradisi awak satu ni.

tapi nak ape saye dak nengok yg mekot lomba ngotek tu soboh2. yang saye tengok, entah tu anak2 ape trune baru gede, taunye nganggu orang an..

kalo lame, gemer le saye nenger orang2 ngotek tu, brase le puase di kampung. kadangan rindu gaan nak nenger ngotek pas dak puase, tapi karangini lebih berharep tradisi tu dak ade an

dak tu an, orang2 nye tu ngedegi gaan. ade kale brape orang yg rugiinye, kace rumah orang peca'inye, blm yg laen lagi. malu saye nenger.

orang nyoro megerak mancan gerakinye balek lagi, gala'an die

saye kepangenan gaan nengok kondisi gini ni, sampek orang2 ngomong masi dak ngotek dak pape, alarm nggal ade..

saye khawatir an kalo warge semuenye dak gemer jak tradisi awak yg satu ni. Sian le kalo ilang sebab orang2 yg dak tau makne dalem tradisi awak ni..

"cengkal loloan" karangini betul2 cengkal, dak geane lame yg muat perut saket gara2 kedek nenger cengkalnye..

miris, tradisi awak sudah kene racuni jak orang2 yg dak bertanggongjawab..